කොම්පීතරයාගේ වාසභවන: ජීවිතය

Showing posts with label ජීවිතය. Show all posts

Wednesday, December 26, 2012

ඔබ...

රෑ සඳ ඇවිත් ගියා

හීන මැදින්

රහසේම හිමින්

ආදරේ බිඳුවක්

ඇබින්දක්

ඔබ අරන් ඇවිත් තිබුණා

මල් මකරන්ද සුවඳ තිබුණා....

Tuesday, August 28, 2012

නිමක් නැතිවූ
නමක් නැතිවූ
ඇගේ
කඳුළු බිඳු

දාරක පෙමින්
ඔද වැඩී ගිය
පිය විප්පයෝගයෙන්
විපරිත වී ගිය
ඇගේ
කඳුළු බිඳු

තවත්
ඇසකට
එක්කහු වන්නට
ඉඩකඩ නොලද
නියාවෙන්
වෙන්දේසියක
විකිණී ගිය
ඇගේ
කඳුළු බිඳු......

ඈවරයි!!!!!!!!

Saturday, June 23, 2012

දැවෙන ප්‍රශ්ණය

නෙත් අඳ
පෘථග්ජන
පුද්ගල ප්‍රජාව
යාවත්කාලීන මනසින්
විචාරන වගනම්
තෘප්තිමත් ඌරන් රැලක්
වනවාද?
අතෘප්තිමත් සොක්‍රටීස්ලා බවට
පත්වනවාද?

තර සිරුරු
සංතර්පනය කරන
තෘප්තිමත් ඌරන්
ප්‍රහීන වූ
සමාජ සංතුලිතයක
අතෘප්තිමත් සොක්‍රටීස්ලා
ඕනෑකර තිබේ!!!!!!

Tuesday, June 5, 2012

ජුබිලිය

අවිඥාවාදී
උගතුන්
නටයි උඩ පනිමින්
මහ රැජිණ
වැජඹේවා
කෑගසයි උන්
නිරුවත්ව
ප්‍රබුද්ධ ලීලාවෙන්

බැල්කනියට වී
ලොව දකින
එළිසැබෙත්
ආචාර සමාචාර කරයි
දත් විරිත්තා
සිනාසී
මහේශාක්‍ය ලීලාවෙන්

මහ රැජිණ ලියන වගනම්
පිස්සු
හොඳටෝම පිස්සු
එළිසැබෙත්
සිනාසෙයි
කොක් හඬ තලා
රාජකීය ලීලාවෙන්

එඩිංබරෝ ආධිපාද තැන ලියන වගනම්
ලෙඩ ඇඳේ
මම තනියම
ගෑණි
අරහෙ ජුබිලි පාටි
පිලිප් මුමුණයි
වේදනාබර ලීලාවෙන්

Tuesday, May 8, 2012

නර්ථන ලීලා.....

ආලවන්ත වීදිය
කෙළවරක
පෙනෙන
නොපෙනෙන
ඇසිදිසි මානයක
ඔද වැඩී
තෙදබලව
හති ‍වැටී
හූල්ලන
මට
මහ හයියෙන්
හිනාවෙන
කුස පබා........

Monday, March 5, 2012

නූතන පෙම්වතියකගේ විලාපය

ඇය

කිසිත් නොදන්නී

සමාජ සම්මතයෙන්

පිට පැන

ආදරය කරන්නී

මානයේ

වැහි වලාවෙන්

ශුද්ධ වූ ආදරය

පෙරා වෙන්කරන්නී......

වේදනාවේ

කටු ඔටුනු

හිසදරා සිටින්නී

සත්‍යයේ

පාටගෙන

ජීවිතය

වියන්නී.....

නිස්සාර

ලෝකයේ

ආදරය

යදින්නී

නමුදු

නිස්සාර

ආදරයේ

තරම විනිවිද දැක

විරහ කවි

ලියන්නී....

Saturday, February 25, 2012

විරහව

හෝමෝ සේපියන්ස්
මූලික නාමය ලද්දාවූ
මනුෂ්‍ය වර්ගයාගේ
වාසගම
"වෙනස" වූ නියාවෙන්
ජීවන ආකෘතික
ශිෂ්ටාචාරයකට
පිඹුරුපත් සැකසූ
හිස් මොළ
ඒකායන අරමුණක
නතර වුණු
අපූරුව දැක
සුන් වී ගිය
හදවත්......

Saturday, January 7, 2012

ආදරය හා මරණය වැළඳගත් විට....

ඇය

ඔහුගේ

හිරු කිරණ විය

වියැකී ගිය

ආන්තිකවාදී

සිහින හා පැතුමන්

වළලා දැමූ

සොහොන් ගැබ

එළිය කළ....

ඔහු

ඇයගේ

සඳ කිරණ විය

මලානික වූ

දුහුල්

චන්ද්‍ර කාන්තියෙන්

ඇයව

සිත්තම් කළ....

ආදරය

මරණය වැළඳගත්

සීමාන්තික මොහොතේ

බිඳී ගිය හදවත්

හඬා වැළපිණි

ඇය

හා

ඔහු

මං මුලා කොට....

ෆින්ලන්ත ගොතික් ශෛලිගත සංගීතවේදී Villie Valo ගේ කවි හදවත සංවේදී කළ මොහොතේ ලියා තැබූ වග නම්....

Saturday, November 26, 2011

වත්කම් ප්‍රකාශය

චෝදනා
මඩ
කැපිලි
කෙටිලි
දහඩිය
මහන්සිය
මධ්‍යයේ
පඩිය
අසරණ වී
කම්පිත වී
විලම්බීතව
අකැප සේයාවෙන්
මග බලා සිටී.........

පසුවට ලියමි
නිරුත්තර වී
නිහඬ වී
පඩි වැඩි වනතෙක්
මග බලා සිටිමි......

Sunday, September 25, 2011

කාල රාමුව සංතර්පණය කිරීම

පැය
විනාඩි
තත්පර
රාමු
00 : 00 : 00 : 00
.
.
.
.
.
.
.
ජීවිතයේ
අනිත්‍ය කාල රාමුව
නැවතී
නොසැලී
මග බලා
වැළපී
සිනාසී
දුක් විඳියි
00 : 00 : 00 : 00 ට
සම්ප්‍රාප්ත විය නොහැකි වී......