ඔබ...

රෑ සඳ ඇවිත් ගියා 

හීන මැදින් 

රහසේම හිමින් 

ආදරේ බිඳුවක් 

ඇබින්දක් 

ඔබ අරන් ඇවිත් තිබුණා 

මල් මකරන්ද සුවඳ තිබුණා....

කඳුළු බිඳු

නිමක් නැතිවූ
නමක් නැතිවූ
ඇගේ
කඳුළු බිඳු

දාරක පෙමින්
ඔද වැඩී ගිය
පිය විප්පයෝගයෙන්
විපරිත වී ගිය
ඇගේ 
කඳුළු බිඳු

තවත් 
ඇසකට
එක්කහු වන්නට
ඉඩකඩ නොලද
නියාවෙන්
වෙන්දේසියක
විකිණී ගිය 
ඇගේ
කඳුළු බිඳු......


ඈවරයි!!!!!!!!

දැවෙන ප්‍රශ්ණය

නෙත් අඳ
පෘථග්ජන
පුද්ගල ප්‍රජාව
යාවත්කාලීන මනසින්
විචාරන වගනම්
තෘප්තිමත් ඌරන් රැලක්
වනවාද?
අතෘප්තිමත් සොක්‍රටීස්ලා බවට
පත්වනවාද?


තර සිරුරු
සංතර්පනය කරන
තෘප්තිමත් ඌරන්
ප්‍රහීන වූ
සමාජ සංතුලිතයක
අතෘප්තිමත් සොක්‍රටීස්ලා
ඕනෑකර තිබේ!!!!!! 

නර්ථන ලීලා.....

ආලවන්ත වීදිය
කෙළවරක
පෙනෙන
නොපෙනෙන
 ඇසිදිසි මානයක
ඔද වැඩී
තෙදබලව
හති ‍වැටී
හූල්ලන
මට
මහ හයියෙන්
හිනාවෙන
කුස පබා........

විරහව

හෝමෝ සේපියන්ස්
මූලික නාමය ලද්දාවූ
මනුෂ්‍ය වර්ගයාගේ
වාසගම
"වෙනස" වූ නියාවෙන්
ජීවන ආකෘතික 
ශිෂ්ටාචාරයකට
පිඹුරුපත් සැකසූ
හිස් මොළ
ඒකායන අරමුණක
නතර වුණු
අපූරුව දැක
සුන් වී ගිය
හදවත්......